الرئيسية التسجيل مكتبي  
دعوة للإنضمام لأسرتنا
عزيزي الزائر الكريم .. زيارتك لنا أسعدتنا كثيراً .. و لكن لن تكتمل سعادتنا إلا بانضمامك لأسرتنا .. لذا نرجوا منك ملئ النموذج التالي من فضلك

اسم العضو
كلمة السر تأكيد كلمة السر
البريد الإلكتروني تأكيد البريد الإلكتروني
التحقق من الصورة.
رجاء ادخل الستة أرقام أو الحروف الظاهرة في الصورة.



هل انت موافق على قوانين المنتدى؟


إهداءات الجدي


   
 
العودة   منتديات الجدي الرسمية > المنتديات الأدبية > نبض القوافي

Share This Forum!  
 
  
 
   
Like Tree3Likes
  • 3 Post By نديم المجره

إضافة رد
   
 
 
LinkBack أدوات الموضوع انواع عرض الموضوع
 
   
#1  
قديم 24-03-2015, 08:52 AM
نديم المجره
عضو جديد
نديم المجره غير متواجد حالياً
لوني المفضل Cadetblue
 رقم العضوية : 1060
 تاريخ التسجيل : Dec 2014
 فترة الأقامة : 1685 يوم
 أخر زيارة : 19-04-2015 (08:46 AM)
 المشاركات : 10 [ + ]
 التقييم : 10
 معدل التقييم : نديم المجره is on a distinguished road
بيانات اضافيه [ + ]
افتراضي طيرٍ غدى ياليتنا مالقيناه + 4 قصائد مجاراة + قصيده مجانيه.......



مالقيناه, مجاراة......., ياليتنا, عيد, طيرٍ, قصائد

السلام عليكم ورحمة الله وبركاته


في يوم السبت الموافق 1436/5/16 كان العميد خالد محمد الهملان الحربي يقوم بتدريب طيره الذي اسماه (ذياب) في مخيم استراحتنا الواقعه على مدخل الدمام طريق الرياض وبعد ان عشاه قام بفك سبوقه. فشلع الطير واتجه الى مكان غير معلوم وكان ابو محمد رحمه الله قد وضع رقم هاتفه برجل الطير وبحث عنه في كل مكان ولم يعثر عليه
وفي عصر يوم الاثنين الموافق 1436/5/18. تلقى اتصال من احد الاشخاص يبشره بوجود الطير لديه في ديرة شفية.وتقع شفية بعد شمال عريره باكثر من 50 كم.
فرح ابومحمد بالعثور على طيره وقام باصطحاب الشاعر صادر حمود العنزي والشاعر عبدالله بن نازل المطيري. وكان التواجد في مقر المخيم حيث ترك صادر وعبدالله سياراتهم عند المخيم وذهبو مع العميد خالد بسيارته لاستلام الطير حيث طلب منا ابومحمد عبر اخر رساله صوتيه ان ننتظره بالمخيم حيث قال انه سيعود مع الطير (ان شاء الله) خلال ساعتين الى ثلاث ساعات وكنا في انتظارهم بالمخيم
وعندما تاخروا حاولنا الاتصال عليهم عدة مرات حيث كان جوالات صادر وعبدالله مقفله وجوال ابومحمد كان يرن ولا احد يجيب. وبعد الاتصال المتكرر رد احد الاشخاص وعند سؤاله اين صاحب الهاتف اجاب بانه حصل لهم حادث انقلاب بين عريعره وشفيه وانتقل الى رحمة الله خالد وصادر بينما عبدالله مصاب اصابه خطيره
صعق جميع من كان بالمخيم
وبعد انجلاء الصدمه اتفقنا على طريقة ابلاغ ذويهم باسلوب مناسب وذهبوا لاداء مهمة الابلاغ بينما بقيت في المخيم وكتبت هذه الابيات.
لذا ارجوا عدم الانتقاد لمعاني القصيده حيث خرجت في لحظة ذهول ولم اجد احد ازيح عليه العدوان سوى هذا الطائر النحس رغم ايماني بالقضاء والقدر
وبعد ذلك ارسلتها الى الشاعر احمد السراد الخثعمي والذي قام بمجاراتها وبعد ذلك انتشرت عبر وسائل التواصل الاجتماعي وقام بعض من الشعراء بمجاراتها


واليكم القصيده وقصائد المجاراة
..........
هذه قصيدتي


طيرٍ غدى ياليتنا مالقيـنـاه = ليت الهبايب ابعدن في مطيره


ليته تعدى الحد وابعد بمرماه = وعدى ورى بغداد وارض الجزيره


طير النحس حلفت انا لتوطاه = واحوس لو جا للمخيم مريره


والله ﻻنتف كل ريشٍ تعلاه = واسمل عيونه لين تصبح ضريره


وحلفت لخلي الحصاني تعشاه = واحط له عند الصقاقير سيره


مرحوم يامن باسم اذياب سماه = اذياب خلى نفوس ربعي حسيره
............................


مجاراة الشاعر/ احمد السراد الخثعمي


طيرٍ غدى من صاحبه عقب عشاه = ماهوب كيفيه. .جاه يمه نذيره


جاه النذير اللي على الحـق وداه = وداه.لارضٍ كان فيها مـصيره


كنه يقول..الموعد هناك تلقاه = وخذ صادر إبن حمود ماريد غيره


وراحو على داعي حكيم ن عبدناه = وهناك لحظات الحياة الاخيره


لا يالعريفي ... لاتزيد المعاناه = وحزنٍ سطا باقصا الحشا لاتثيره


قلبي شلع وارتاع من حر ماجاه = صادر غدى وابو محمد وطيره


..................


وهذه مجارات الشاعر اللواء / ضيف الله بن نايف الذويبي


لا لاتطير يازميلي وتشناه = الطير سبه والسبايب كثيره


لو تنتفه لو تسمله ما استعدناه = الحكم لله والليالي قصيره


ماله غريمٍ يالعريفي وننصاه = ناخذ بثاره في بواتع شطيره


الموت حق وكل نفسٍ تحراه = ولافيه شخصٍ عارفٍ وش مصيره


صادر وخالد تحت رحمتك يالله = تلطف بهم عند السؤال ونكيره


الحزن ماينفع ولو كثر ببكاه = لو سيل الوديان وايضا محيره


يالله يارب المخاليق يالله = تجعل لهم جنات عدنٍ وفيره


والصاحب اللي صار وقت المعاناه = ثالث ثلاثه من مصابه تجيره


عبدالله النازل تحرسه وتاقاه = وتقومه بالعافيه من سريره


وابشارة العجمي لها وقع ماحلاه = وقعٍ على قلبي سواة المطيره


يفرح بها المسلم ويصعد بها جاه = والله بها ياقاه لاهب سعيره


بشارة العجمي : اتصل احد الاخوان من قبيلة العجمان والذي تواجد في مكان الحادث اثناء وقوعه حيث قال انه حضر اولا عند صادر ووجده ينطق الشهاده وفاضت روحه ثم ذهب الى خالد ويقول انه رفع راسه وابتسم وفاضت روحه ( وانا والله كشفت عن وجه خالد بعد تكفينه وكان وجهه اقرب الى الضحك منه الى الابتسامه)


........................
وهذه مجاراة الشاعر/ مدلج بن عوض الشيباني


غنا العريفي واحرق القلب بغناه = زود على قلب المشقى سعيره


يشكي على فرقا خويه وينعاه = ويدعي عسى رب الخليقه يجيره


مرحوم ياللي كل من جاه يلقاه = رجل المواقف والامور الكبيره


خالد محمد جعل في عدن مثواه = يالله عسى جنات عدنٍ مصيره


اطلق سبوق ذياب لوح وعشاه = وكفخ قبل لايقضب الوكر سيره


وبدا على راس الطويله وناداه = لكن طيره مسرعٍ في مطيره


قفى وصلفات الهبايب تقفاه = كنه يقول لصاحبه ذي الاخيره


كنه يعرف ان القدر حان لقياه = والله عليم بخافيات السريره


والعبد يومن بالقدر مثل ماجاه = يرضى بقدر الله شره وخيره


يالله عسى الجنه مقره وملفاه = ياوحدٍ مانعرف اله غيره


....................
وهذه مجاراة الشاعر / عايد بن مهدي الوهبي


اليوم ثالث مونس الجمر واكناه = عيت تروح من الضلوع السعيره


جيت الثميري ثم زبنت الموساه =لا بردوا قلبي ولا اطفوا فليره


النوم عاف الرمش فاته ولا جاه = وعفت الوساده والتخوت الوثيره


يامن يرجع زحلنا واحلالاه = من هو يسوي بالنشاما بريره


ياليت ينفع في مثل غيبته جاه = وفعل السواعد والسطر والذخيره


والله ليومي كل وافي بشلفاه =من مركز العاقر لجال الزبيره


وتفزع رجالٍ بالطواريق تنعاه = وقفة وفاء جزله ولو هي قصيره


غنا بها احمد واوجع احمد وجاراه = الله من حبال الليالي يجيره


الذيب يلقا ذيب بحلاه وعواه = وراس ابن عمي بالمدايح جديره


الله كتب يومه وقدر وناداه = راح وعلى البيضاء نهاية مسيره


ربه دعاه وجل ربه تولاه = لا فعل شيهانه ولا فعل جيره


عساه بالجنه ومن كان وياه = ووجيههم من رحمة الله منيره


والله يوفقنا لخيره وتقواه = اجمل مافي بنادم بياض السريره
......................


وبعد يومين ذهبت الى المخيم وكانت سيارات صادر وعبدالله في لايزالٍ في مكانهن عندما ركبوا مع خالد بسيارته لاحضار الطير وتركوهن عند المخيم
فقلت


جيت المكان وشفتهن واقفاتي = وسفي الرمل بين التواير له اثار


وقفت اطالعهن وهن صامتاتي = صمتت يتيمٍ فارق الاهل والدار


ومن الغلا غطيتهن في عباتي = اخاف يلفح بديهن شمس وغبار


الله يتغمدهم برحمته ويشفي ثالثهم الشاعر / عبدالله بن نازل المطيري


احمد بن عبدالرحمن العريفي
(نديم المجره)

'dvS y]n dhgdjkh lhgrdkhi + 4 rwhz] l[hvhm rwd]i l[hkdi>>>>>>> l[hvhm>>>>>>> dhgdjkh ud]





رد مع اقتباس
قديم 24-03-2015, 09:15 AM   #2
احمد الزرّق الجدي (أبو مازن)
رئيس مجلس الادارة


الصورة الرمزية احمد الزرّق الجدي (أبو مازن)
احمد الزرّق الجدي (أبو مازن) غير متواجد حالياً

بيانات اضافيه [ + ]
 رقم العضوية : 129
 تاريخ التسجيل :  Jan 2012
 أخر زيارة : 07-07-2019 (01:16 PM)
 المشاركات : 58,550 [ + ]
 التقييم :  3130
 الدولهـ  Saudi Arabia
 اوسمتي
وسام التكريم وسام إداري وسام شاعر المنتدى وسام أفضل كاتب 
لوني المفضل : Cadetblue

اوسمتي

افتراضي



صح اللسانك أخوي/ أحمد واللسان الشعراء الآخرين.
ونسأل الله أن يرحم من ماتوا بواسع رحمته ويغفر لهم. ويشفي زميلكم المصاب.
شكري وتقديري لك.


 
 توقيع : احمد الزرّق الجدي (أبو مازن)

ربعي خليبص كل أبوهــم جميعـي ××× أهل الكرم والجود وأهل العزيمه

كل واحـدن منـّا كريمـن شجيعـــي ××× حنّا الجدي فينا نخـــوه وشيمــه
حنـّـا نـطــاع ولا يمـكــن نطيـعـــي ××× حنـّـا لنــا دايــم مهـابـــه وقيمــه
دايـــم وحنـّا بالمـقـــام الرفيــعــــي ××× خليبص ترى ما يوم نرضى الظليمه
حنـّا هل المعروف حصن(ن) منيعي ××× حنـّا الجبــال الشامخـات العظيمـــه
ربعي هـل الطـولات ربعي جميعـــي ××× هـــذي لنــا دايــم تراهــا قـديـــمـــه
أبو مازن


رد مع اقتباس
قديم 24-03-2015, 11:27 AM   #3
أبو خالد العليان
(العضوية الشرفية)


الصورة الرمزية أبو خالد العليان
أبو خالد العليان غير متواجد حالياً

بيانات اضافيه [ + ]
 رقم العضوية : 968
 تاريخ التسجيل :  Jun 2014
 أخر زيارة : 13-07-2019 (02:30 PM)
 المشاركات : 2,244 [ + ]
 التقييم :  1260
لوني المفضل : Cadetblue
افتراضي



رحم الله المتوفين وشفى الله مصابكم . وإنا لله وإنا إليه راجعون .
صحت ألسانتكم أخي أحمد .


 
 توقيع : أبو خالد العليان




رد مع اقتباس
قديم 25-03-2015, 01:11 PM   #4
أبو ركبه
عضو ماسي


الصورة الرمزية أبو ركبه
أبو ركبه غير متواجد حالياً

بيانات اضافيه [ + ]
 رقم العضوية : 57
 تاريخ التسجيل :  Dec 2011
 أخر زيارة : 22-01-2019 (11:57 PM)
 المشاركات : 3,809 [ + ]
 التقييم :  478
 اوسمتي
وسام العضو المييز وسام النشاط وسام أفضل عضو وسام العضو الفله 
لوني المفضل : Cadetblue

اوسمتي

افتراضي



الله يرحمهم والطير مسكين وش ذنبه


 
 توقيع : أبو ركبه

هناك من يتمنى لك هكذا؟؟؟





ولكن!!! تابع مسيرتك ولاتهتم بهم


رد مع اقتباس
قديم 05-04-2015, 09:24 AM   #5
نديم المجره
عضو جديد


الصورة الرمزية نديم المجره
نديم المجره غير متواجد حالياً

بيانات اضافيه [ + ]
 رقم العضوية : 1060
 تاريخ التسجيل :  Dec 2014
 أخر زيارة : 19-04-2015 (08:46 AM)
 المشاركات : 10 [ + ]
 التقييم :  10
لوني المفضل : Cadetblue
افتراضي



الاقتباس غير متاح حاليا

صح قلبك لاهنت
الله يجزاك الجنه ويرحم والدينك
تحياتي


 


رد مع اقتباس
إضافة رد

   
 
الكلمات الدلالية (Tags)
مالقيناه, مجاراة......., ياليتنا, عيد, طيرٍ, قصائد
 
   


   
 
الذين يشاهدون محتوى الموضوع الآن : 1 ( الأعضاء 0 والزوار 1)
 
 
   

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


الساعة الآن 07:21 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.
vEhdaa 1.1 by NLP ©2009
 
الجدي

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48